Alyaa Gad – HDL & LDL Cholestero l الكولسترول
الكولسترول مادة شمعية موجودة في جسمنا بنصنعها من مصادر بنأكلها أهمها الدهون وأحيانا بعدها الكربوهيدرات أوالنشويات لو مش بنأكل دهون كفاية بعض الناس عندهم قدرة أنهم يصنعوا كولسترول أكتر من التانيين لكن يعني إيه كولسترول وإيه أهميته؟ الكولسترول زي ما قلت مادة شمعية أهميتها إنها بتدخل في وظائف معينة في جسمنا مهمة جدا وظيفة منها إنها بتقوي جدار الخلايا بتاعتنا فا بتخليها متماسكة وقوية لأن فيها كولسترول ماسكها من برة الوظيفة التانية إنها بتساعد على تكوين العصارة الصفراوية اللي بيعملها الكبد علشان يهضم الدهون الوظيفة التالتة إنها بتساعد على تكون فيتامين د اللي هو بتاع الشمس إحنا بنصنعه في الجلد والكولسترول بيساعد على تنشيطه وإنه ييبقى في صورة فعالة وهو فيتامين د مسئول عن وظائف كتير أوي في الجسم يعني مبدئيا الكولسترول مهم في الوظائف بتاعة فيتامين د الوظيفة الأخيرة اللي هي إنه بيساعدنا على تكوين هرمونات الأنوثة والذكورة يعني الكولسترول في حد ذاته مادة مش مضرة لكن هي لها أنواع في أنواع مضرة وأنواع كويسة في خطوط عريضة نقدر نعتبر الكولسترول له نوعين واحد اسمه HDL High-density lipoprotein ودة جزيئاته كبيرة والكولسترول التاني اسمه LDL Low-density lipoprotein ودة جزيئاته صغيرة تعالوا نفهم دة على الموديل هنا هنا الكولسترول داخل في تكوين جدار الخلية وعامل زي ما يكون الكرات الصفراء دي فا أنا ها اسميه هنا HDL هو دة هو دة المسئول عن تقوية جدار الخلية النوع التاني LDL دة شبه الشجرة كدة وله زي ما تقول أشواك هو أه صغير لكن شرير له أشواك بيعمل إيه بقى؟ تخيلوا دة معايا الأوعية الدموية بيدخل فيها ويتعلق في الجدار فا لما يزيدوا أوي في الجدار ممكن يعملوا تصلب في الجدار بتاع الشريان ويعمل بقى جلطات ومشاكل في القلب والأوعية الدموية بينما HDL مع إنه كبير لكنه سلس كدة وبيسافر بسهولة في الأوعية الدموية وكمان بيساعدنا على التخلص من الـ LDL بيزقه معاه معنى كدة إن إحنا محتاجين أكتر نزود الـ HDL ونقلل الـ LDL نزود الكبير دة ونقلل الصغير لو عندنا تحليل دم للكولسترول ها يطلع 3 نتائج ها يشوفوا الـ HDL وها يشوفوا الـ LDL وها يشوفوا الناتج من مجموعهم هما الاتنين فا لازم نتأكد إنه الـ LDL قليل والـ HDL يكون في مستوى مناسب يا ريته يكون هو الأعلى ونشوف الـ Total عالي ولا لا ونتابع كدة لأنه دة ها يبقى مسئول عن مستقبلنا ومستقبل الأوعية الدموية والقلب ليه بقى لأنه لما يزيدوا بتزيد فرصة تصلب الشرايين ومشاكل القلب والمخ وهكذا لما نكبر إزاي نحافظ على الكولسترول في الجسم نعمل إيه؟ زي ما قلنا مصدر الكولسترول هو الدهون طيب إيه الدهون نعرف إزاي إنها كويسة أو وحشة؟ في دهون كويسة بتعمل كولسترول كويس وفي دهون بتعمل كولسترول وحش الدهون اللي بتعمل كولسترول كويس بنقول عليها السائلة في درجة حرارة الغرفة يعني مثلا الزيوت النباتية أو لما يعني تبقى دهون سائلة في الثلاجة أي دهون سائلة في حرارة الغرفة أو في الثلاجة كويسة زي الزيوت النباتية الدهون الصلبة في درجة حرارة الغرفة أو في الثلاجة زي الزبدة الدهون المهدرجة اللي هما بيقولوا عليها زيت نباتي مهدرج …

علياء جاد، طبيبة متخصصة في التعليم الصحي وتبسيط العلوم الطبية، وأهدف إلى رفع الوعي الصحي والتعليمي في مصر والعالم العربي.
على هذه القناة ستجدون فيديوهات لقناة أفهم العربية،
وفيديوهات بنفس المحتوى باللغة الإنجليزية تحت اسم
كما يوجد قسم لتعليم اللغة الإنجليزية
http://bit.ly/afhamTV
http://bit.ly/EnglishwithAlyaaGad
أنا وفريق العمل نرحب بكم ونتمنى لكم الصحة والسعادة والنجاح
Subscribe to official Alyaa Gad channel : http://bit.ly/AlyaaGad

Follow Alyaa Gad :
http://www.afham.tv
https://www.facebook.com/dr.AlyaaGad
https://twitter.com/AlyaaGad